H.264 vs H.265
Ramy Mohamed
هو إيه الـ H264 ده وإيه الفرق بينه وبين H.265 أو الـ MPEG ؟
الفيديو اللى بيتنقل لحضرتك من الكاميرا أو من جهاز التسجيل مش بييجى خام بمعنى إنه بيتم ضغطه بتكويد معين عند المصدر أياً كان وعكس العملية دى بيحصل عند المستقبل أياً كان برضه والعملية دى اسمها CODEC أختصاراً لـ Encoder & Decoder أو Compression & Decompression والعملية دى ليها أكتر من 1000 طريقة أو أسلوب أو صيغة أو علمياً اسمها CODEC Formats اللى منها الآتى ،،
MP4, Apple Videos(MOV, M4V, QT), Windows Media Video(WMV, AVI, ASF), HD Video(AVCHD, MTS, M2TS, TS, M2T, 1080P), MPG, MPEG-1, 2, 4, H.263, H.264, H.265, TOD, MOD, DVD, VOB, ISO, IFO, BUP, SVCD, DV, DVR-MS, VCD, DAT, DivX, Xvid, Real Video(RM, RMVB), 3GP, 3G2, MKV, FLV, F4V, AMV, DVR-MS, AMR, TP, TRP etc
طيب إيه المقياس اللى على أساسه بيتم التفاضل بين الصيغ دى كلها ؟
حاجتين النسبة بينهم بتكون عكسية وهما ،، جودة الفيديو ومساحته أو حجمه .. يعنى مع التطور جودة الفيديو بتزيد والـ Bit Rate المطلوب لنقله بيقل .
