قبل ماتشتري كاميرات مراقبة خليك ذكي؟
⦁ قبل ما تشتري كاميرا 4K او HD عموماً بتصنيفاتها لازم تسأل نفسك 3 اسئلة .. 1- الشاشة اللي هتعرض عليها كام بوصة؟ 2- المسافة بينك وبين الشاشة هتكون قد ايه؟ 3- انت هتسجل بـ resolution قد ايه؟ اول نقطة.. لو الكاميرا 4k مثلاً وعايز تستفيد بكل pixel جاية منها يبقى المفروض تجيب شاشة ما تقلش عن 75 بوصة. تاني نقطة طالما هتجيب شاشة 75 بوصة اللي هي 166سم عرض و93سم طول يبقي لازم المسافة بينك وبينها ما تقلش عن 120سم وماتزيدش عن 320سم! .. ليه؟ لأن متوسط الـ FOV اللى هو مجال الرؤية للعين البشرية 140 درجة فلو انت قربت من الشاشة زيادة عن اللازم فيه جزء من الشاشة مش هتقدر تشوفه لأنه هيخرج من مجال رؤيتك . النقطة الأخيرة انك لو هتسجل الفيديو اللي جاي من الكاميرا دي بأعلي resolution هتحتاج bandwidth تقريباً 40 ميجا للكاميرا الواحدة فلازم تكون متأكد من حاجتين الأولي ان وسيلة العرض والتسجيل بتاعتك سواء كانت NVR او Workstation هتقدر تستقبل وتتعامل مع الـ bandwidth اللي هيجيلها م الكاميرات الحاجة التانية ان يكون معاك فلوس تكفي هاردات لأنك لو هتسجل بأعلي resolution للكاميرا دي مش هتلاحق هاردات
Ramy Mohamed
0
41
